Röst sjávarrannsóknasetur
Vísindalegar rannsóknir á heilsu hafsins og uppbygging þekkingar á því sviði eru brýnar til skilnings á loftlagsbreytingum og lífríki hafsins. Ísland er í kjörstöðu til þess að leiða í þessum málaflokki og hefur mikilvægu hlutverki að gegna.
Röst sjávarrannsóknasetur vinnur að rannsóknum á lífríki sjávar við Ísland, loftslagsbreytingum og lausnum sem byggja á vísindalegum grunni. Að baki Röst er samstarf alþjóðlegs hóps vísindamanna ásamt öflugustu rannsóknarsstofnunum á þessu sviði á Íslandi.
Röst sjávarrannsóknarsetur hefur ráðið Karen Björk Eyþórsdóttur sem þróunar- og verkefnastjóra. Hún hefur víðtæka reynslu af loftslags- og sjálfbærnimálum frá störfum hjá Transition Labs, forsætisráðuneytinu og Reykjavíkurborg. Karen mun leiða framkvæmd rannsókna, styðja við stefnumótun og miðla rannsóknaniðurstöðum, m.a. um samspil hafs og loftslagsbreytinga.
Um okkur
Við búum að áratuga reynslu í loftslagsmálum, náttúruvernd og hafrannsóknum.
Við störfum með sjálfstæðu ráðgjafaráði sem ráðleggur okkur við rannsóknir, mælingar og mat á gögnum. Ráðgjafaráðið endurspeglar víðtæka íslenska og erlenda þekkingu og reynslu.
Dr. Angel Ruiz Angulo
Hafeðlisfræðingur og dósent við Háskóla Íslands
Dr. Halldór Pálmar Halldórsson
Líffræðingur og forstöðumaður rannsóknarseturs Háskóla Íslands á Suðurnesjum
Sólveig R. Ólafsdóttir
Hafefnafræðingur hjá Hafrannsóknastofnun
Dr. Matthew H. Long
Lífjarðefnafræðingur við Woods Hole Oceanographic Institution í Bandaríkjunum
Rekstrarform
Röst er óhagnaðardrifið félag sem er í fyrstu fjármagnað af Carbon to Sea Initiative og er hluti af alþjóðlegu neti rannsóknarstöðva undir þeirra hatti. Carbon to Sea er óhagnaðardrifin bandarísk sjálfseignarstofnun sem leiðir metnaðarfulla alþjóðlega rannsóknaráætlun um aukningu á basavirkni sjávar. Carbon to Sea er fjármagnað af virtum alþjóðlegum góðgerðarsamtökum og vísindasjóðum á sviði loftslagsmála og hefur hlotið um sjö milljarða króna í styrki frá aðilum eins og Oceankind og Grantham Foundation, sem hafa áratuga reynslu þegar kemur að verndun hafsins og rannsóknum tengdum loftslagsbreytingum.
Röst er dótturfélag loftslagsfyrirtækisins Transition Labs.
Irene Polnyi
Stjórnarformaður og forstöðumaður vettvangsrannsókna hjá Carbon to Sea
Margrét Ormslev Ásgeirsdóttir
Yfirmaður rekstrar hjá Transition Labs
.webp)
