Röst sjávarrannsóknasetur
Röst er óhagnaðardrifið íslenskt sjávarrannsóknasetur, fjármagnað af alþjóðlegum umhverfisgóðgerðarsamtökum, sem eflir rannsóknir og vísindalega þekkingu á hafinu með því að stunda og stuðla að vönduðum og óháðum hafrannsóknum í innlendu og erlendu samstarfi.
Ástand hafsins er að breytast og við viljum kortleggja og skilja hvað er að gerast og miðla gögnum og niðurstöðum á opinn, skýran og aðgengilegan hátt.
Við viljum sjá framtíð með öflugum hafrannsóknum sem styðja við að ákvarðanir um haf- og vatnasvæði séu teknar af öryggi og vissu, enda séu þær byggðar á vönduðum gögnum og umhyggju fyrir umhverfi og samfélagi.
Ísland er í kjörstöðu til þess að vera í framvarðasveit hafþjóða í þessum málaflokki og hefur mikilvægu hlutverki að gegna.
.png)
Opnir umræðufundir verða haldnir í Kjósarhreppi og Hvalfjarðarsveit í lok septembermánaðar til þess að eiga samtal við íbúa og nærsamfélag um fyrirhugaða sjávarloftskiptarannsókn í Hvalfirði og aðrar rannsóknarhugmyndir á svæðinu. Röst sjávarrannsóknasetur undirbýr nú vettvangsrannsókn á samspili hafs og loftslags með tilliti til upptöku koldíoxíðs og vill eiga opið samtal um útfærslu hennar í samráði við samfélagið.
Um okkur
Við búum að viðamikilli reynslu í umhverfis- og loftslagsmálum og hafrannsóknum og getu til þess að láta fjölþættar vettvangsrannsóknir verða að veruleika.
Við störfum með sjálfstæðu ráðgjafaráði sem ráðleggur okkur við rannsóknir, mælingar og mat á gögnum. Ráðgjafaráðið endurspeglar víðtæka íslenska og erlenda þekkingu og reynslu.
Dr. Angel Ruiz Angulo
Hafeðlisfræðingur og dósent við Háskóla Íslands
Dr. Halldór Pálmar Halldórsson
Líffræðingur og forstöðumaður rannsóknarseturs Háskóla Íslands á Suðurnesjum
Sólveig R. Ólafsdóttir
Hafefnafræðingur hjá Hafrannsóknastofnun
Dr. Matthew H. Long
Lífjarðefnafræðingur við Woods Hole Oceanographic Institution í Bandaríkjunum
Rekstrarform
Röst er óhagnaðardrifið félag sem er í fyrstu fjármagnað af alþjóðlegu umhverfisgóðgerðarsamtökunum Carbon to Sea Initiative. Samtökin eru óhagnaðardrifin bandarísk sjálfseignarstofnun sem leiðir metnaðarfulla alþjóðlega rannsóknaráætlun um aukin sjávarloftskipti. Carbon to Sea er fjármagnað af virtum alþjóðlegum góðgerðarsamtökum og vísindasjóðum á sviði loftslagsmála og hefur hlotið um sjö milljarða króna í styrki frá aðilum eins og Oceankind og Grantham Foundation, sem hafa áratuga reynslu þegar kemur að verndun hafsins og rannsóknum tengdum loftslagsbreytingum.
Röst var sett upp sem dótturfélag loftslagsfyrirtækisins Transition Labs, sem aðstoðaði Röst upphaflega við að hefja starfsemi hér á landi.
Irene Polnyi
Stjórnarformaður og forstöðumaður vettvangsrannsókna hjá Carbon to Sea
Margrét Ormslev Ásgeirsdóttir
Stjórnarmeðlimur
